| |
|
 | |  |
| |||||||
| | LinkBack | أدوات الموضوع |
17-12-2008, 05:38 PM
| #1 (permalink) |
| مصممة   |  ||~|| وخروا عنّا .. جيناكم بالحنّا ||~|| ضحيتنا راحت غلطة   وخروا عنا جيناكم بالحنا اول شي كل عام وانتم بخير ومايحتاج نقول قبل الزحمة لانه مامن زحمة  ثاني شي نرفع اسمى ايات الذب والحفال وجميع ماحوته اللغة العربية في قاموسها الواسع من كلمات السب للمقام السامي مدمن شاهي ، ونحب نقول له لاحبيت تحط اسم قروب ياليت ماتكون تحت تاثير أي مُسكر من جميع مايُذهب عقل القروي! وان قدر الله عليك وكنت بهالحالة ياليت تغمز لنا عشان نفهم الوضع وماناخذ منك كلمة هذا والله اعلم  واما الان مع حكمة << مسكت خط       |
  |
| إعلان |
| |
|
17-12-2008, 05:51 PM
| #2 (permalink) |
| BRB :(   | رد: ||~|| وخروا عنّا .. جيناكم بالحنّا ||~|| ضحيتنا راحت غلط   عيد الضحية له طعمن خاص خصوصا معانا ياقروب الحنا  ومعانا هالزين ، زين قبل ينذبح وزين عقب ينذبح ويالبى تسبده  نهار العيد صلينا وكلن مزبن في جيبه 4 سواطير ونبيلة تسبحنا وتكشخنا وعيننا من الله خير ورحنا لمصلى العيد الناس تذكر الله وتهلل وتكبر  ويدخل الامام ويكبر التكبيرة الاولى  الله واكبر واغمض عيوني وتطلع لي هالصورة   الله اكبر مرتن ثانية وتطلع لي هالصورة    تكبيرتن ثانية وثالثة ورابعة لي نهاية التكبيرات والصور ماسكتن خط ومتعديتن السرعة القانونية  قمت ادعي واقول يارب مايعطوني مخالفة سرعة ماتسوى علي حجز اول يوم بالعيد  ماوعيت الا الامام يقول سمع الله لمن حمده  وقلت اكيد هذي عينن ماصلت على النبي << لاعمرك تسوي بريء انت وخشتك اللي مافيها شين ينعان  تعوذت من ابليس وشديت حيلي في الركعة الثانية وقمت اكبر مع الامام بانتباه وكل حرص صحيح اني تحمست حماس غير منضبط اودى بحياة 3 مصلين عن يميني و4 عن يساري بس مايضر كلنا اخوة واللهم تقبلهم شهداء وتقبل حجهم  وصلنا لاخر تكبيرة وتمكن مني ابليس وسكرت عيني ، وتنقز لي هالصورة   طلع لي ذا الشين ، تحمست وطلعت النبيلة مادريت الا الصعيدي اللي يشتغل بحوش ابومنيفة قاضبني مع كتوفي وشايلني فوق راسه ويرضخني بالارض وينزل عمامته ويربطني فيها ويطلع من تحت اباطه لي غاز اطول من شنب شواذر  ويسمي بالله ويقول الله اكبرويرضخني على جبهتي ، ويموه على رجلي وارفعها ويشوتني بوز باصبعه الكبير على ظهري الين نشب اصبعه الكبير في عمودي الفقري وانغرز لين بدا يدغدغ الرئة اليسرى وهو ينقز ويلفني مع رقبتي لين طبع سورة البقرة على جبهتي حس الامام بدوشة ثم التفت وينخرش الصعيدي ويطلع اصبعه من ظهري استعدادا للنحشة ويشيل معه عمودي الفقري وثنتين من كلاي والرئة اليسرى وسيّر على متر ونص من الامعاء الدقيقة وينحاش قمت انا طبيعي سلمت عن يميني وشمالي ودعست للبيت  |
| |
|
17-12-2008, 06:07 PM
| #3 (permalink) |
| من عجز كواليس   | رد: ||~|| وخروا عنّا .. جيناكم بالحنّا ||~|| ضحيتنا راحت غلط  جيت للبيت وتذكرت اني ناسين سيارتي ومعاها 4 نبيلات عند المسجد بس قلت اللهم اني نويتها زكاة فطر لوجهك الكريم فتقبلها مني ياسميع ياعليم يامجيب الدعاء  دخلت الحوش وشفت منظر مغري   عدّة تقشير الخروف   واذا كان خروفكم مرة عنيف وشرير ويشرب دوخّان تقدرون تستخدمون هذي بس امانة لاتعوروه دخلت للبيت اعيد على الاهل وابدل والبس لبسن يليق بالمقام السامي عيدت وبدلت في ظرف 3 ثواني وكم دقيقة ثم ديورت ومسكت خط الحوش ويالله ان ترحمنا من التفاتيش ، ولزوم تمر على كم تفتيش  بالبداية مريت على هالمسيكين وصادرت عيديته   هالتفتيش ماكان يمثل أي تهديد مرييت لمهم وانا شاخط الطبلون غير اني هديت عشان يشوفوني وانا اسوي حبتين   هنا وقفت شوي بس خذت لي قسيمتين وعطيت العسكري كلمتين حلوات وتوكلت على الله :sm11:   هنا اشهد بالله اني وقفت وحطيت سيارتي بالحجز وتكيت بالتوقيف لين الله فرجها وامتلا التانكي ودعست كملت طريقي   هذا تفتيش اثري كل العساكر اللي فيه مايعرفون من القراءة غير اسمها من النوع اللي تعطيه الرخصة ويقراها مقلوبة يعني لوتفحط بوجهه ماسوى لك شي بحكم انه مايعرف يكتب مخالفة ولايعرف يقرا اللوحة  شطفتهم وشربكت بواري ووينك يالححوش  |
| |
|
17-12-2008, 06:51 PM
| #4 (permalink) |
| مصممة | رد: ||~|| وخروا عنّا .. جيناكم بالحنّا ||~|| ضحيتنا راحت غلط   المصلخ  احلى ماخلق ربي بهالكون  عشقي الوحيد اللي مااخونه  وردتن ماتذبل  جيته تهيضت ووينك ياضحيتنا  خروفنا ، زين ومملوح يحب القراءة والكتابة ويعشق البر منذ صغره يهتم بنظافة جسمه ويتسبح ويحط جل على شعره مرة بالعمر   جيناه غدرة وقضبناه وجودناه   حطيناه بالوضعية مناسبة وقربنا السكين   بدينا نذبحه ونزل منه شين احمر الظاهر انه كان يحب  << لاعمركم تسنتجون   بس قلنا ماللخكر بيننا مكان وكملنا عليه لين طلعت روحه !  خليناه مع نظرته الفاهية اللي تقول وجه بوش يوم تشطفه الجزمة  بدينا بالشغل الحلو خذنا السكينة وبدينا نحلق راسه وكنا محتارين نسوي له كدش  ولا كيرلي ولا بدي كير ولانحلقه موس  اتفقوا الربع في الاخير اننا نجز راسه ونسلمه للسلطات العليا حافي القرعة جزاء له وردعا لامثاله والله من وراء القصد !  مراسم الجز التي لاتُنسى! لحظات تاريخية تكتب بزيت الخروع! ولوتلاحظون في الصورة منسوبي وزارة الدفاع يتسلمون المجني عليه والمصورين يتزاحمون كلن يبي يفوز بهاللقطة التاريخية! << كني اشوف ناسن مصدقة وقامت تقلب بالصورة  بدينا مراسم الصلخ ، وهالمهمّة التافههة نعطيها ورعاننا يطقطقون عليها وهنا نقطة احب انوه عليها بخصوص التربية ، لحد يجي عند ورعانه ويقول لهم اصلخوا الذبيحه احنا في القرن الحادي والعشرين وهالمصطلح ممكن يوديك في ستين داهية واحتمال ان طحت في ناسن قشرا تروح فيها اعدام ويصلخون جبهتك وطبيعي تُتهم بالارهاب وتوصف بالصحوية والوهابية ، ويادار مادخلك شر! استخدم مصطلحات ناعمة لاتقتل براءة الطفل تقدر تقول قشروا الخروف ، او فكوا غلاف الضحية ، او حلقوا لخروفنا واللغة العربية غنية بالمصطلحات البديلة ، وتقدرون تسيرون على فعالية بروق يالميدان وتستفيدون وتفيدون! وان كان احد بيصدق الكلام اللي فوق فاحب اقول له تراك مخفّة وانتبه على عمرك ولاتطب قسم اقلاع لاتلحق بياله  قربنا نخلص الصلخ ، البزر شقردي وقايم بشغله على اكمل وجه وياخوفي يتحمس ويكمل عاللي جنبه ثم نغدي في سين وجيم ويضيع مستقبل الولد   وهنا جايين اخوانه المتعلمين ينصحونه ويوجهونه (يغثونه بالعربي)  تخبرون الحركة البايخة ذيك اللي لي طلعت اول ثانوي تهرب من المدرسة وتروح تزور المدرسة المتوسطة وتسوي عليهم كبير وتتكلم عالادارة  قسم بالله مدري وش يحسون به ،، عالاقلّ اللي يهربون ويروحون المقاهي ويدشرون بالشات ارحم (وجه يناظر بخيال)  خلصنا الذبح والصلخ ويازين ضحيتنا منظر رهيب في جسم خالي الاحشاء جعلي اشوف هالمنظر بجسم كوندليزا رايس ولو اني اشك ان عندها احشاء ، نعبنوها ثلاث ارباع جسمها سيقان  الضحية بدون الراس مالها طعم على فكرة ، الشي اللي بزاوية الصورة عاليمين حت هو لسان الضحية فلااحد يدقر   هذي نهاية الخكر وراعين الموضات والكدش وطيحني ورقصني ويالله حسن الخاتمة! |
| |
|
17-12-2008, 07:07 PM
| #5 (permalink) |
| BRB :( | رد: ||~|| وخروا عنّا .. جيناكم بالحنّا ||~|| ضحيتنا راحت غلط  خلصنا ذبيحتنا ورحنا ننشب للجيران عبال ماتخلص الكبدة   ضحية ابوشكيب الحمصاني جارنا الفلسطيني علق الضحية على باب البيت واشتغل هو وعياله تحذيف فيها بالحجارة لين ماتت من الخرعة   ضحيّة هاني سامر لؤي درّجني شاب في مُقتبل العمر توه متزوج يوم عرفة عنده حساسية من ريحة الغنم والحيوانات الاخرى مهايط على زوجته من قبل يعرسون بثلاث سنوات وقايل لها انه راعي حلال توهق يوم العيد وينقز لاقرب مقهى نت وينتف اطرف صورة من قوقل ويعدل عليها بالفوتوشوب ويحفظها بايميله ثم طلع لاقرب ملحمة واشترى له 3 كيلو لحم وسير بعدها على بوفية السعادة وجاب 2 سندويش كبدة بالجبن وراح لبيته وهايط على مرته وعاشوا سعداء للابد   ضحايا الدكتور ايمن عبداللطيف درويش واخوانه الدكتور ايمن ، دكتور في احدى الجامعات ، راحوا اخوانه الثنين للحج ووكلوه يضحي عنهم فلسفته في الحياة تقول كل شي بالطيب ينفع ومصير العنز للتيبس ومصير القرد للموز ! جمع الضحايا الثلاث وطلع دفتر التحضير وحضرهم وبدا يلقي عليهم محاضرة في طرق الانتحار كان اسلوبه مقنع لدرجة ان احد الضحايا قامت وطبقت احدى طرق الانتحار امامه صفق لها الجميع بحرارة ، ثم تبعتها الثانية والثالثة قام الدكتور وتعلو وجهه ابتسامة سخرية التقط هالصورة وولى هاربا بلاتسمية !   ضحايا عائلة جوهر بن بخيته صلوا العيد ورجعوا طقوها نومة لين صلاة العشاء ثم قاموا واشتغلوا يطقون سامري للخرفان ،، واستنزال حتى الموت!  |
| |
|
17-12-2008, 07:30 PM
| #6 (permalink) |
| مصممة | رد: ||~|| وخروا عنّا .. جيناكم بالحنّا ||~|| ضحيتنا راحت غلط  آية الله تسبدة  نسك من مناسك الاضحية ماتحلى الضحية الافيه مقادير ياتسبدة العنا مقادير  كبدة ويستحسن تكون كبدة طازجة وتكون ملساء مثل قرعة التكانة  وفلفل بارد وتحطونهم بصحن مولازم صحن ابيض عادي تحطون صحن شفاف وان بغيتوا تحطون بجيوبكم مايخالف بس لايكون بجيوبكم تتن  بصل وقطعوه زين وانتبهوا على عيونكم   الكبدة حطيناها لكم مغسلة ومقطعة واذكروا الله لايصيرعلمن مهوب طيب   فلفل وبهارات ومايمنع ان كان تبون اغمس اصبعي عشان احلي التسبدة   مقاديرنا مجتمعة مع فنجال الزيت والظاهر ان هافنجال النتفة ناوين عليهم ! نجي للطريقة    شوحوا الكبدة بالصاجة لحالها لين تستوي عالصراط المستقيم!   والبصل لاتزعلونه شوحوه بالزيت لمن يذبل وتعطروا بالريحة الزينة   ضيفوا التوابل والفلفل البارد وانتبهوا تحطون حنّا بالغلط!  وبالنهاية تخلطونهم كلبوهم مع بعض وتحوقونهم شوي وتطفون النار ان طولتوا بتحترق ، انتبهوا وجاكم العلم!  وبالهناء والشفاء  مااحلى من الكبدة الا الخبز المثلث (وجه ماشاف خير)  هذي الحركة للعزوبية فقط مايهنى لهم الاكل الا بالصامولي والله لو انه مرقوق حطوه بصامولي الظاهر انه يعوض شوية الحنان اللي فاقدينه  |
| |
|
17-12-2008, 09:18 PM
| #7 (permalink) |
| من عجز كواليس | رد: ||~|| وخروا عنّا .. جيناكم بالحنّا ||~|| ضحيتنا راحت غلط  اللي مايكشت مع قروب الحنّا ماعيّد  مابعد التسبدة غير الكشتة كشتنا ورزينا خيامنا ووسعنا الصدر رحنا لمكانن يقال له ام دقلة ويازين هالمكان ، جوّن طيب ومكان ولااحلى لكن الله بلانا بناسن طربانة جالسة تغني البرتقالة  الصور تتكلم     ياحلاة من غطس درباس بهالمكان الزين غادينا ننعم بتصفح مُريح خالي من الشوائب في كواليس  يازين هالمكان والله بس اننا كنا نستخدمه لشين مهوب طيب   لزوم التطعيس والمهايط ولزوم السواق يغرز عشان يكرف المساكين اللي معه   يازين حزة المغربية يذلون الورعان وكلن ينام بحضن امه والواحد يبدا يضبط اوضاعه ويروح للخلا وهو مرتاح  زبدة الكشتة شبة النار والقهوة وحليب الزنجبيل وماتخلى الجلسة من الحش والنصب والهياط ولاتهون سوالف الجن ولزوم يطرون سالفة دخان الحطب وانه مايجي الا على الزين وانه يغسل العين  أي يغسل العين ياعمي نص عيالنا يرجعون من الكشتة حولان  جلسنا نهايط وحسّينا ان كل واحد صايد الثاني  قلنا ماتسوى علينا طيحة الوجه وخل نروح نشوي والظاهر اننا ضربنا على وتر حساس   اتحدى ان كان احد منكم جرب هالحركة قبل شيل حطبة كبر سيقان نبيل شعيل وانطلها بالمنقل ، شغل زوُلة بس خل عنكم والله ياهو اللي سواها انجلد جلد   حياكم الله على واجبكم وترى الدعوة ذواقة بس لانشوف احدن متربع ثم نربعه على هالمنقل وان حسيتوا بطعمن غريب منا ولامنا فترى مهوب حنا اللي طيحنا الاصياخ بالتراب هي اللي طاحت |
| |
|
17-12-2008, 10:01 PM
| #9 (permalink) | ||
| مستشارة تطوير  | رد: ||~|| وخروا عنّا .. جيناكم بالحنّا ||~|| ضحيتنا راحت غلط اولي  بآآآك يالبييييييه  شيء شيء شيء الله لا يضركم وش اقتبس وش اخلي تراني خاقه على اليسار فديت الويفي يا حلات من يستقعد على هالشحنة اقتباس:
ههههههههههههههههههههههههههههههه هههههههههههههههههههههه حسبي الله على بليسكم --> غاشية من الضحك اقتباس:
نسخة لقسم المطبخ تراني خاقه على صوركم المتحركة بالحيل  عزّ الله ما قصرتوا وفالكم التوفيق | ||
| |
|
17-12-2008, 10:39 PM
| #12 (permalink) |
| قلم ميداني  | رد: ||~|| وخروا عنّا .. جيناكم بالحنّا ||~|| ضحيتنا راحت غلط ما شاء الله عليكم .. ما خليتوا ولا بقيتوا .. إن بالتصوير .. أو بالتعليق على الصور .. أو بتنسيق الصور .. ما شاء الله شغل متكامل .. و يستاهل الفوز .. بررب .. أشوف القروبات الثانية لكم |
| |
|
17-12-2008, 11:28 PM
| #15 (permalink) | |||
| عضو بقراطيسه  | رد: ||~|| وخروا عنّا .. جيناكم بالحنّا ||~|| ضحيتنا راحت غلط اقتباس:
اشين قانون مر بحياتي ,,ياخي مشكله اذا كنت حاجز متسـآن وفرحان ببصمتـك مطبوعه بالثاني ويجي ذا الحتسي يقولي تقلع اكتب رد جديد .. نجي لموضوعكم .. اطلق بثاره وهرج متشابك شفـته بموضوع خرفـآن ^ فيهم عرق نعام  ..؟<< خمستريل وتخب ,, عندكم سلف ؟^ وقسم مايحلى العيد الا بذا القوآرير الشيـنه اقتباس:
اما فكوا غلاف لحالها ^ البامبزر مايل ومرتز ياحلاة ذا الكشته والبرآد يهفهف فيك والمويه تناديك اقتباس:
 .. اضحكتموني اضحك الله سـنكم تقرير ولا أطلق صوتي لكم < الخـلا | |||
| |
| الكلمات الدلالية (Tags) |
| |||| , بالحنّا , جيناكم , راحت , ضحيتنا , عنّا , غلطة , وخروا |
| الذين يشاهدون محتوى الموضوع الآن : 1 ( الأعضاء 0 والزوار 1) | |
 (عرض الكُل)
عدد الأعضاء الذين شاهدوا هذا الموضوع: 13
| |
| L I M I T E D , ZayAlsukr , fullah , السآهرهـ , ترفه , تكرنبَ يا تكرنبَ , حنيــنـ الآمسـ , خالة جوري , س .. من آلنآس..} , سر..! , شغَاْيَـا , , فديتني , منتهى الرقه .. |
| أدوات الموضوع | |
|
|
ومرتب 
