| |
|
 | |  |
| |||||||
| تصاوير وبشــكات صور مجمّعه .. خبال ووناسه ,, |
 |
| | LinkBack | أدوات الموضوع |
03-01-2008, 03:36 PM
| #1 (permalink) |
| عضو مسنتر   |  شسمه ذا .. هذا يومي .. (وتراني مستحيه) إحم.. السلام عليكم ورحمة الله وبركاته.. خوذوا هالورده مني وشمشموها وانتم تشوفون قصة يومي..  جيناكم أنا وأخوي فولا نمشي مع بعض ودار بيننا هذا الحوار.. << إمش قدامي يافلان غط علي.. >> وشوله ياوخيتي إمشي إمشي ماعليك من أحد.. << لا لا مستحيه أنا بتغبى وراك..  تراني مستحيه .. مدري شلون أحس اني مرتبشه .. أول مره أصير قدام أول شي.. بالوش على قولتهم .. دايم متعوده أصير بالوسط.. لا تلوموني لا نسيت حرف منا والا كلمتن مناك.. والا خربطت كل أبو الكلام.. إحم .. وترا تصويري ذا تصوير يوم كامل بس .. موب تصوير يومين وركبتهن مع بعض  يوم الإربعاء الموافز .. للـ 23 من شهر .... الا وشو هالشهر  ؟؟ .. مدري اللي انتم تعرفونه..أول شي كنت نايمه في فجر ذالك اليوم .. ويوم إني قمت الفجر صليت وتوضيت وصورت لكم هالصوره البهيه.. ولادة شمس ذاك اليوم..  أشوف الشمس من جهه .. يوم اني التفت مع الجهة الثانيه .. والا اني أشوف الهلال يادلبوس يدنن.. سبحان من جمعكم بوقتن واحد .. شوفوه السعنوني اللي بالزاويه فودز..  همن عاد يوم إني صليت ولله الحمد مير إني أطقها نومه للساعه الثانيه عشر .. ولله الحمد .. قوولو ماشالله ياماللي .. هذي حالة العطاله اللي زيي  همن يوم اني قمت .. ووززز على المطبخ طبعن كالعاده أتفقد وش فيه من ماعونن طايح والا أكلن معفن :yucky: وأضبط الوضع .. هذا وانا أغسل المواعين .. ياسنعي سنعاااه..  طيب وعقب ماخلصت سوينا لنا غدن بسيط .. وأخذت موعد من أخوي إني أطلع للسوبر مارقط على العصر أجيب أغراض للحلا اللي بسويه .. والحمدلله مرت المناقشات بسلام .. وقال خليتس جاهزه بعد الصلاة.. ذا غدانا البسيط ..  يوم تغدينا واللي منا بالخير .. أخذت لي الجريده أقرأ .. (مشكلة ثقافة الجرايد) بس حلوه والله تعرف أوضاع العالم من حولك :pramg_com70:  وأنا أقرأ الجريده أرفع عيني للتلفزيون وإلا أطايب جالسن يطبخ .. قلت أوريكم وش طبختهم اليوم..   وقبل أذان العصر بشوووي .. قلت بروح أنزل أمشي بالحوش أدور لكم نملة أصورها والا شين منا وإلا مناك .. وألاحق ألاحق هالنمل بس عيت ولا وحده توقف لي .. قلت بالطقاق بكيفكن يالمخروشات.. تراني أقدر النمل بقوه صورت لكم عاد هالزاويه من حديقتنا ..   أحب الأشياء اللي تذكرني بالصبر .. أحسها أشياء عظيمه بالحياة.. :طـاقه الحيـا: وين وصلنا .. اصبروا خلنا نرتاح شوي ونكمل .. طرن طرن .. نكمل .. صلينا العصر وعقب إنطلزنا للسوبر مارقط .. وحنا بالشارع نمشي ونمشي شفت ... ياقلبي قلباه  .. قلت وحنا راجعين بنمر عليه بس مامرينا .. إينهووو .. وندخل السوبر .. وعلى طووووووووووول على سيب الـ ...  ولا يهون هالسيب بعد ..  وذي سلتنا وحنا نتقضى .. الله يفشلني ماغير أمشي وأصور تقل منيب قايله .. بغى أخوي يجدعني ويمشي .. بس أشوى اننا بأول العصر والممرات فاضيه مابها احدن واجد ..  يوم تقضينا وخلصنا وحاسبنا بقى لي كم غرض مالقيتهن إلا ونمغط للسوبر الثاني .. وأول ما دخلته .. واجهني هالكائن الحي المحبوب في الحياة وألقط لكم صوره ع الطاير ..  أتحداكم عاد تعرفون وشو ؟؟ .. اللي يعرف يقول لي ..  أخذنا الأغراض وقضينا وحاسبنا وكلش وطلعنا متوجهين للبيت .. وحنا بالشارع نمشي ونمشي .. وأنا أشوف لكم هالسياره اللي مليانتن بويه إلا وأقفز وأنط بوسطها ويصير شكلي ألوان   منظر غروب .. دقه ولا أروع .. :laughter:  أحس إني طولت عليكم حبتين .. يالله استراحه .. قيام جلوووس ..  ونرجع لكم مع الأحداث اللي عقب ذلك .. انتظرونا ..  إعلانات .. معجون لتلقيق الأسنان .. مع فرشاة مصنوعة من ضروس البعير .. تغدي سنونك تسذا .. التعديل الأخير تم بواسطة . حبة توت . ; 03-01-2008 الساعة 03:45 PM. |
   |
| إعلان |
| |
|
03-01-2008, 03:37 PM
| #2 (permalink) |
| عضو مسنتر |  رد: شسمه ذا .. هذا يومي .. (وتراني مستحيه) عدنا ... :) عقب السوبر مارقط .. رجعنا لبيتنا عشان أزين الحلا .. وبديت زينت الحلا ودخلته الفرن .. ورحت أصفصف المقاضي اللي شريتهن عشان ابسط فيهن .. شوفوا عاد .. شرايكم أحلى بسطه  جهزت القهوه والحلى عشان قهوة عقب المغرب المأثوره ذا حلاي ..  وذي قهوتنا تفضلوا الله يحييكم .. ما أسامح أحد إلا يمر وياخذ له قطعة حلا وفنجال قهوه .. ياهلا والله ياهلا ..  :) احم يوووووووووم خلصنا متقهوين .. وإلا أنا أروح أجيب لكم صندوق وأفتحه .. الصندوق كان مغبررر من زمان مافتحته .. هالصندق فيه شي من أسرار الطفوله اللي كنت محتفظه فيها طول هالسنين .. عشان أوريها عيالي بعدين احم بلا تعليقات انت واياه .. هذي رسمه كنت راسمتها مدري متى وأنا بثاني أو ثالث إبتدائي ..  وذي رسمتن أخرى ..  أهم شي الأم والأبو وعيالهم شايلين معهم مقاضي .. وإلا التوقيع خخ مدري شقصته كان شي مهههم بالحياة .. أحس إني أصير شي لا وقعت .. ياربيه بس .. وإلا تذكرون هالحركات يا بنات .. يوم كنا نسوي ظروف من ورق ونكتب فيها رسايل .. خخ  يوم فتحت هالظرف وإلا ألقى لكم هالرساله  شرايكم بصديقاتي عاد .. :60fb50a17e: وهالطوابع لا تفوتكم ..  يا أنا غباااااااااااااااااار من قلللب .. الله يالذكريات .. صدق إنا كنا بزارين .. أحلى شي لا قعدت تفتش بالماضي  وعقب هالجلسه التراثيه .. قررت العائلة المجيده إنها تطلع للسوق .. عشان مقاضي العيد تعرفون .. ونفرفر بهالسوق نفر فر نفر فر لييين بدت بعض المحلات تصكر .. وقلت خلني أصور دام السوق بدا يفضى..  جزء من الفرفره..  جزء ثاني.. بالأخير طلبنا لنا عشى من برقر كنج .. وقعدنا نتعشى ..  ورجعنا من السوق محملين بالأغراض الواجده والمخابي الفاضيه .. ترا السوق تخفيضات يابنات على بدايتها وفيه أشياء حلوه لا تفوتكم .. :pramg_com70:  الله يااااااااااهو يعجبني منظر الشارع بالليل .. أحسه جو جو .. رهيب وبالأخير وصلنا لبيتنا بالسلامه ولله الحمد وقعدت على النت..  جلست عليه لييين الفجر وصليت الفجر ونمت .. هذاااااا وصلى الله على نبينا محمد وعلى آله وصحبه وسلم.. الإسم : حبة توت. رقمي : 1 هذا أنا وهذا يومي عرضته لكم بأفصل تداقيقه أتمنى إنكم تصوتون لي واللي بيصوت لي بصوت له  حسيت إني بذاك وشسمه .. يالله واعذروني على القصور والعجله بالكتابه ماعندي وقت انسق .. أهلي يحتروني وأنا جالستن أكتب لكم .. ياحبي لكم يابعدي انتم .. |
| |
|
03-01-2008, 04:04 PM
| #4 (permalink) |
| BRB :(   | رد: شسمه ذا .. هذا يومي .. (وتراني مستحيه)
ماشاء الله ماشاء الله وش ذا الزين وش ذا الزين خركاااااااااات >>متعمد كاتبها كذا تو متغدي مع بااكستانية ياخبيبي صراحة رووعة  ودي اعرف انا اي واحد في الرسمة  اتعب عالطيووووور اللي فووق هههههههههههههههه ولا البيوت هههههه احس انهم ماخذين تصميم الفيصلية والمملكة من هالرسمة ولاالبنات اللي تحت يادلبي دلبااااااااااااه  واللي يرحم والديك ترجمي وييين اخبر حنا يالعيال لوواحد قام يرسل هالرسايل تروح علييييه وربي يجيه حفال الييييييين يصيح ولي صاح خلاص يصير بنت ويقاطعونه كل عيال الفصل ويصير يمشي مع المصري اللي في الفصل اللي ريحته ثلاثطعش كيلو ثوم  ماشاء الله عليك يازين حلاك ويازين تغطيتك ويازين ماضوعك ويازين كاميرتك وكل اي شي موجود هنا >> كل هالجملة كاتبها بس عشان الحلى مبدعة وربي حمّــوديـــفــيــتــش  |
| |
|
03-01-2008, 07:01 PM
| #6 (permalink) |
| مُراقِب   | رد: شسمه ذا .. هذا يومي .. (وتراني مستحيه)
ماشاء الله ماشاء الله فنانة حلى والله كان ودي اكل منها !! :sm11:  وش كنت بأٌقول وعليك رسمات عجيبة وخنفشاريه والله ههههههههههههههه ما أدري نجحتي في هالماده ؟؟ وإن نجحتي وش كان تقديرك فيها ؟!  وهل مازال رسمك بهذه الطريقه أم العكس ؟! << ما أحد بيفهم المقصود ! :عيونن تلاطم: وصورة المجمع وهو فاضي ياشينه !! وإلا الليل والفرفره زينه إذا كانت الشوارع فاضيه  وخويتك ذي ماشاء الله عليها أجل تقول من شيم الرجالي !! ليه انتِ رجال هههههههههههههههههه و كأن الكاتشب اللي كان بغداكم واجد ؟!  مُشاركه رائعه وخيتي حبة توت تمنياتي لكِ بالتوفيق |
| |
|
03-01-2008, 08:57 PM
| #7 (permalink) |
| من شيبان كواليس   | رد: شسمه ذا .. هذا يومي .. (وتراني مستحيه) وهـ تراني ماخقيت على اليوم الله يعطيك الف الف عافيه ع اليوم الجميل هذا << جميل :عيونن تلاطم: ؟ لا يعني حلو << تعب من الفصحى خخ إبدااااااااع وقسم وينك يامدمن توتا مايحتاج أقول الا .. مثبت وبالتوفيق |
| |
|
03-01-2008, 10:08 PM
| #11 (permalink) |
| مقضبينها الباب  | رد: شسمه ذا .. هذا يومي .. (وتراني مستحيه)
واااااااااو يومك مره رايق وختييير تسلم يدينك على الحلى ورسمات المبزره سبحان الله كل المبزره نفس فكرة الرسم مدري ليه؟؟ اما الطوابع مررره شوقتني لايام المبزره شوكرن لك على اليوم السعيد ههههههههه |
| |
|
04-01-2008, 02:00 AM
| #15 (permalink) | |
| عضو مسنتر | رد: شسمه ذا .. هذا يومي .. (وتراني مستحيه) اقتباس:
منورنا حمودي .. برسل لك رساله زي اللي عطتني صديقتي .. وأكتب عليها إلى .. حمودي عشان تحطني بتوقيعك | |
| |
|
| الكلمات الدلالية (Tags) |
| ذا , شسمه , مستحيه , هذا , وتراني , يومي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
