السلام عليكم

كلــ (ن) بيوزره ،

مدخل <
ممنوع الدوران للخلف يعني توكل على الله واسدح الموضوع .

رحلة كانت الاسبوع الماضي ، مدري كم التاريخ ، الظاهر انه
14/11 /1429هـ . وكانت تلبية لدعوة أحد الأحبة لزيارة
أم رقيبه وماجاورها , وانتهاءاً بحفر الباطن
ورجعنا بحمد لله وسلامته يوم الجمعه ..
مجموعة صور ضفيناها لكم من كاميرا جوال05054
انتقيت لكم كم صوره ، عاد أعذرونا إن كانت الصور محببه والا فيها بلا ، << وجه يناظر إنسان .. أكثر
قلنا نسدحها لكم عشان تستانسوون ، وتاخذون راحتكم بالحش .
وقبل تبدون تراني ما أعرف أصور .. ولا أرسم شجره
وترى ماحطينا فيها صور طبخ ونفخ ...





اكثر مالفت انتباهي ان الارض روياانه والحمد لله ، رغم مرور اكثر من اسبوع على هطول الامطار
هالشجرة والغدير بين المجمعه والارطاوية ، صلينا عندها العصر
وتغدينا ، وتقهوينا الشاهي ثم واصلنا طريقنا ...



محطة بنزين على الطريق ، اتوقع ان راعيها يشجع الاتفاق تصدقون مافيها شسمه
حماام
بس العامل يقول ان عندهم فاكس >> مدري وش المناسبة !!



مجموعة من الجمال يعني ( البعارين ) وفي روايه ( النووق ) عددها يقارب الــ 40 متجهه لام رقيبه ،
بس السواق اللي معي الله يسلمه يمشي 180 ك/م س .. ما امداني اصورها كـ مجموعه ، زين اللي لحقت على هذولا ..
تلاحظون ظل المجموعه في يمين الصوره >> تبون احلف بعد .
اقول كمل الله يصلحك ...



المدخل الرسمي لام رقيبه
المجسم هذا يقابله نفس المجسم على اليسار ومدخل السيارات
يكون بالنص >> لا عاد تشرح
معي سواق ماشاء الله عليه ، هو أساسا كان كابتن طيّااره
بس الظروف خانته ، وبأول رحله له لما وصل ،
عطوه تذكره ون وي وقالوا له الله يحفظك .. ،
بصراحه الحركه التجارية والزوار في أم رقيبة لا تصدق ، فكل مايخطر على بالك موجود
وسمعت ان الامور وصلت للمخدارت وشسمه .
تلاقي فيها مطاعم ، بقالات ، حلاقين ، تسجيلات ، تجهيز مخيمات ، قهاوي معسل ، تغيير غاز ، اواني منزليه ، تأجير دبابات ، تأجير خيام مجهزة ، قطع غيار سيارات ، يعني ماخلو شي ...



هذا سلمكم الله ( بعير ) وفي رواية فحل .. وبأخرى مدري ..!!المهم انه معقّل ، بربااط وش كبره ، رحمته يبي الفكه ،



مجموعه من الذود متجهزين للمزاين ،



مجموعه اخرى لحقنا عليها قبل تغيب الشمس .. لا يفوتكم الوضح مدري البيض جاز(ن) لي بالحيل >> طيب كمل يالراقي ..



هذي شبتنا ، صلحنا عليها شاهي >> احلف
الصورة قبل نسوي القهوة والشاهي .. عشان كذا الوجار
نظيف ما طلعت الحوسه ..



يوم الخميس تغدينا بمزرعه ، ولقطت لكم هالصوره
عاد انتم اعرفوا نوعية هالشجرة ، اللي يجاوب صح له فانيله مكتوب عليها كواليس .. ترى اللي بالصوره موب تين ..



زيارتنا كانت وجه خير على صاحبنا راعي المزرعه ،
يوم الخميس ( ولدت ) العنز حقته وفي روايه ( الصخله )
وفي أخرى الماعز ، وجابت توم تيس ووعنااق





صورة جانبية للعنز
أليمه هالنظره يانااس >> عمو مدمن وش رايك بهالعنز النفااس ما تحس كأنها تقول لك : كواليس في قلوبنا ..



الصوره هذي مخصوصه لــ إنسان .. اكثر عشان يعلمني فيها اوزون والا لا ..


والسلام لكم كل ابوكم

حلّيبي هالمتسان