كان يا مكان...

كان في أم {{أمي عسى الله يخليها لي ولا يحرمني منها ...قولو آمين}}

المهم..الأم هذي تحب سوق شعبي عندنا بالكويت أسمه <سوق المباركــــــــية >

في يوم من الأيام كنا طالعين لهذا السوق..وبعد ما تسوقنا وتغرضنا..
قعدنا نتعشا << بالعافية على قلوبنا

المهم..كانت في طاولة جمب طاولتنا فيها جنود أمريكين
أمي لمن شافتهم بدتت تتكلم عن [[الغزو]] وشلون بعد الله ثم دول مجلس التعاون ساعدتنا أمريكا


أمي من زود حبها للأمريكان..قامت شرت لكل واحد فيهم "بيبسي"؛؛

الأمركان أستانسوا على أمي ... وقالو لازم نعطيهم شي بالمقابل..

قام واحد فيهم << أنا كنت حاطه عيني عليه ,,يطيح الطير من السما
قام وعطا أخوي<<يعني فشله أمي..يعرفون عاداتنا وتقاليدنا
عطا أخوي علم أمريكي صغير ,,من النوع إلي ينحط على كتف الجندي

أمي حبيبتي قامت نطت من مكانها تصرخ!!!!No
No No No!!!!!

الأمريكي من الخرعة بغى يطيح على الأرض..

سألت أمي :: يمه شفيج؟!!

قالت ما نبي فلــــــــــــــــــــــوس


أنا قعدت ضحك وقلت لاااا مو فلوس!!

هذا علمهم!!!

أمي تفشلت .. وراحت دفعت فلوس عشاهم كله

وأنا قلت حق الجندي إلي صار ومات من الضحك


<<أشوا عدت على خير,, ولا كانت
أمي ألحين بسجن الأحداث

هذا شي صار معاي .. وحيت أنقله لكم


رقية بنت توم

ياطيبتكم ياهـل الكويت

يخلي لكِ يارب مامتك