السلآم علاااااكم والرحمة



أول مااضوع لي وعسى ينال اعجابكم

اييه يالفيصليه وقسم انه أحسن مكان شفته بهالديره ولا يهون شارع ديراب

هاللي كل مره تنقلب فيه تريله ولا سياره<- وش دخل ذا بذا أقول اخلص ... طيب



ياعشق لا ينتهي

يافيصلية الملايين

أنا من شفت أم عباة حمرا مطرزة بأصفر وأنا اللي أضيع طريقي

مدري وين أروح..!

شوفوا قصتي الداجه : كنت متفق مع واحد قليل خاتمه راح وخلاني , وأدق عليه وقافل جواله ابن اللذينا

قلت مالي الا اني أروح وألحقه لو بليموزين المهم ما يسوي حركات وصخه ويفوتني شي< قل قسم

وصلت عند الفيصليه طبعا ممنوع دخول المغاتير قصدي العزابيه ان تسانهم ما غيروا النظام بس قلت يارجال وشو له تفشل نفسك وتسأل خلك عاقل واقعد

وأنا اللي أروح وأوقف عند الباب بس أتفرج على هاللي يروحن ويجن وعبي ملونه , صارن فساتين سهرة مهيب عباة الله يصلحهن <- خلن عيوننا ما غير تصافق بذا الألوان
أحمر - أخضر - كستنائي - خربزي .... تسنهن رايحات عرس

وطبقة مكياج أقول يرحم أمتس لا تحطين وقسم انتس شيفه بذا القناع
تسن أحد مصفقها على عيونها لين قالت ربي الله<-- طولت صح

الا و بديت أمل وأزهق .. قلت : ياولد لازم أسوي أكشن وحركات القعدة ما تجيب شي

وشفت ذيك ام عباة حمرا <- مهيب حمرا صدز بس كناية على انه زينه هههههههههه

... قلت بسوي نفسي ماشي ولا شفته عاد أصقع به تسني ما دريت <-- امحق خطه

الا بلحق قبل ما تدخل عشان يصير اللي أبي وتسنه حست بي أومييير تبعد عن طريقي يقاله سوت بي خير

الا الشر بعينه وأنا اللي ما أشوف الدرب الا أذكر ان بلاطهم ما نظفوه زين

ومسحته عاد بوجهي والا انكسر خشمي وحالتي حاله ويشوفن صديقي الهيس الأربد ويضحك علي ومعه خويته

جعله الماحي التسلب وأجيك وأمسح خشتي من الدم والحوسه بهاوشه الا أشوف وراه الهيئة

وسألوه من ذي اللي معك <-- واضح ياخوي ما يحتاج تسأل

ومسكوه وجلدوه يستاهل الحقير

وأنا اللي أرجع لبيتنا منتف كل اللي كسبته اني سويت فيهم أجر ومسحت بلاطهم و بأحسن ما عندي

الله لا يبلانا وعقبه تبت ما عاد أروح مع ذا الوصخ لمكان أجل يواعدني ويسحب علي؟

لا تعودون له ياشباب تغازلون وقسم تطيح وجيهكم ولا تجيكم الهيئة

حسبي الله عليك يالسرسري تسان خشمي الا الحين منتفخ عقب هالطيحه

وسلامتكم هههههههههههههه لا تقولون صح لسانك ترى شعري مهوب ذاك الزود <--- أقول لا يكثر ورح نم أبرك

نسيت أقولكم ان أبوي سألني عن خشمي وأنا ما عرف أتسذب ويوم قلت له الا لشطني بالعقال على ظهري

وقال ورى ما أخذتن معك وأنا أبوك كان أضبطك؟ والا يضربن حسبي الله على ابليس

وغدا ظهري مخمس تسن أحد مفحط عليه

تشآآآو بروح أدهنه بفازلين كوده يزين

ما يستفاد من القصة:

- لآعمرك تواعد واحد رخمه ولا لوح عشان ما يسحب عليك ويخليك
- يابنات وقسم ان عباة الكتف تجيب الصمرقع وتطلع المستور استري على نفستس الله يستر عليتس

وسلامتكم