| |
|
 | |  |
| |||||||
| دعثة الفاصليـن عيّـــــــــــارين ! |
| | LinkBack | أدوات الموضوع |
31-12-2008, 02:35 AM
| #1 (permalink) |
| عضو شاد حيله   |  أكــبَر فضيحـه بمنتدى كواآإأاآليس ...!<<ماتوقعتهامنكم؟ أكــــــبر فضيحــه بمنتدى كـــواليس ...! 7  7 لاتهتمــون للعنوان لأن هذا أسلوب من أساليب الجـذب المغناطيسي  ..<<تسنـّي أشوف نآس تخرج مثل ماخرج جمهور النصر يوم أن فآز عليه الهلال يوم السنه اللي رآحت ..؟!  لاخلاص أرجعوا تــ  ـــوبه ماعاد أتعودها..!  الموضوع/ ............. التاريخ : 34 / 5/ 1300هـ السلام عليكم ورحمة الله .. يآنــآآآأأإآآس متى .. <<تحسّون إنـي متحمسه  !! متى متى متى ؟!  الى الآن موجوده هالاشياء ..؟ وقصم قصمــات حفظنـاها أبــا عن جدّ ..! -----  ---- ندخل في مصارين الموضوع -- ----يجيني أخــوي .. مفحّـط ماأشـوف الا غبرته .. وطرطاآآآآآآآآآآآآآآآآآآخ بالكتـاب على جبهتي .. ويوقف قدامي وهو يلوي يدينه يمين ويسار مسوي عربجي شوي شوي وينمصع  <<اللي مايعرف معنى ينمصع لايوهقني ..؟ويقول لي:.. يالله درسيني .. عطيته نظره شرِسه خلّت يدينه ماعاد فيها عروق .. <<أحلى ياالقويه  أشـوف كتابه كتاب(الابتدائي)كتاب النحس اللي توارثوه الأجيــال وماغيروه الى الآن .. واجهة الكتآب مثل ماهي من قبل 400 سنه .. خشة بزر لابس غتره من دون طاقيه وتحت الثوب بدلة رياضه أتــوقع ان ذا البزر قد صار جدّ أو انـه بقبرهـ يُـحَاسب  ..؟المهم أتـعدا الواجهه المخيسه وانا حايمتن تسبدي وأفتـح مقدمة الكتاب  (اللي كاتبها أول وزيرللتربيه و التعليم في العالم ) وماتغيرت ..!ونص هالمقدمه افتتاحيه ..؟ وبالنهايه كاتبين .. مع تحيات : وزير التربيه والتعليم (كاتب اسمه واسم جده وجد جده)والتـوقيـع ! <<شوي ويبصم بخشمه والجدَا مغير أول كلمه بالمقدمه وفرحان فيها !! الى الآن نفس الدروس اللي ماخذها جدي السابع في محو الأميه ياخذونها بزاريننا ؟ لاتخافي لاتخافي .. نحن أبطـال المطافي نحن شجعان كرام حينما ندعى نوآفـي لاتخافي لاتخافي ...الخ المهم افتح الصفحه اللي بعدها علّ وعسى يصيرون مغيرين شي بهالكتاب (لو سؤال واحد بـس ) نفس الخشش اللي من قبل 69778سنه موجوده بالكتاب   .. جايبين صورة بزر مقبصينه وجآلدينه ومورينه نجوم الظهر بالقايله <<؟؟ لين قالوا بس وقاعدن يبتــسي وكاتبين تحتها (طفل) <<عشان كذا اخوي كل ماشاف احد يبتسـي قال له قاعد طفل (يعني قاعد يبتسـي) وجايبين صورة حرمه مالها ملامح ولافتن ذا الجلال خمسين لفه عليهاو كاتبين تحتها (أُم)  <<ماادري ليش ماحطولها خشه ؟ أقول لأخـوي وش هذي ؟ قال :هذي سبوره ..؟ قلت : يا لوح تهجّـاها وشف وش مكتوب يالله ياشاطر .. قال :سا-با-وو-راه ..سبّـوره .. (مدري البلا منك ولا من الكتاب) ولاصورة جمل نفسي أقـوم أتوطّاببطن هاللي راسمه (عمركم شفتوا جمل بدون سنام ومتربع ؟! شوي ويتقهوى ) .. اقول لاخوي طيب هذا وشويالله ياشاطر تهجاها وماعليك من الصوره .. يقول : إنّـهـو .. كا-لا-بو .. كلبٌ .. (أنت التسلب والله) ولا هالتعابير حدّث ولا حرج .. الموضوع : (أبــــي ) وحاطين صورة شايبن مهذري خمس دقايق ويموت ..؟  واقول لأخوي يالله اقرا القطعه.. يقول بس هذي موب صورة ابوي ؟ <<لاعاد احلف كيلو .. يعني أجيب لك ابوي يتربع قدامك عشان تقرا ! ويبدا اخوي يقرا : أبـــي .. أبي هو الذي يسهر على راحتنا .. <<يجيني أخوي فرحان يقول لي:انا قلت للأستاذ انه غلط عليكم لأن أبوي ينوم الساعه 9:00مايسهر ..؟ <<ألآن عرفت معنى الثواله ؟ّّ! ويكمل أخوي يقرا .. أبي هو الذي يعمـل لكسب لووقمة العيش لنا .. <<يسألني أخوي:وشي لقمة العيش .. توهقَـــت :هآه .. يعني لقيمات ..  أبي يذهب بي الى المدرسَتي ..أبي هو ..والاب هو ..وابي الذي ...الخ القطعه !! ولاّالموضوع اللي بعده (أمـي) ونفس الحتسي اللي بموضوع(أبي)موجود بس شايلينن كلمة أبي وحاطينن بدالها أمي ..! ونهاية كتــاب القراءه والمحفوظــات حاطينن لنــا معلّقه من معلّقات أبو المتنبي بن العتاهيه بن قيس المقوقس ..! أكثر من 30بــيت وماأذكــراني قد قريتها .. بس أقرا الموضوع .. (الحمل والذئب) - (التيس والاسد الحنون) - (التسلب والحمامه الشرسه) - (الغراب والعصفوراللطيف) من يوم بدينا ذا الابتدائي وحنا مانعرف شئ اسمه (إنــسان)..  المهم أسأل اخوي وش خذتوا اليوم ..؟ يقول لي: اليوم حفظنا أنشودهـ ( بيتنا )..؟! <<ياكـرهي لهـالانشودهـ كرهت بيتنا والسّبه هي ! المهم بدا ينشدهـا .. ( يابيتنا يابيتنا فيك السعادهـ والهنا ) في هذي اللحظه ريوسَـت ذاكرتي الى الوراء وتذكـرت أيــآم الأبّـات والحزام اللي يسحب ورا البنت خمسين متـر والشريطـه البيضاء اللي متنتفتن أطــرافها وتسحب مع الحزام من طولها والطابور الصباحي والنشيد الوطني (وباص صآلح ) !وأهم شي الاذاعه المدرسيه .. . . . وأما الآن مع ايات من الذكر الحكيم تتلوه على مسامعكم الطالبه :آيات مصطفى . . . وأماالان مع حديث شريف ومع الطالبه :حفصه <<ومن اول ماعرفت هالاذاعه وهو حديثن واحد ماتغيّر.. . . . وأماالان مع هل تعلم والطالبتين : نوره ونوير  <<تبدا نوره : هل تعلم أن أطول رقبه بالعالم رقبة الزرافه .. نوير تمعط المايك الين يصقع بخشة نوره وتحطه عند فمها شوي وتبلعه :هل تعلم أن الحوت الازرق اكبر حيوان بالعالم ..؟ وتاخذ نوره المايك وهوغرقانن سعابيل:هل تعلم ان الجزر يقوي النظر .. . . . وأماالان مع أنشوده والطالبات:كبسه-طبخه-حسنه-تسرشه-لميس   . . . مع تحيات فصل خامس جيم . . . ...بإشراف المعلمه (وضحى بنت وائل) ماأذكـر اني فهمت شي من ذا الاذاعه الا كلمة(وأمّاالان) <<يعني ألحين دور البنت الفلانيه<<احلفي <<والله <<طيب كملي <<انقلع ..! وفجأه سمعت أصوات تسنها صوت جارنا أبوتوفيق بس بدون شكمان ::وجه منهبل:: ذا موب صوت أخــوي !! لويت رقبتي لقدّام <<أتحداكم تسوونها !! وهالني مارأيت .. وش ذا التجمّع السكّاني .. (أمـي-أبـوي-اختي-اخوي-جدي-جدتي-عمي-عمتي-خالي-خالتي)دخلو جو وقاموا ينشدونها مع اخوي ..؟ يابيتنا يابيتنا فيك السعاده والهنا وفيك امي وابي وفيك اختي وانا وحوله حديقة اشجارها تظلنا وجارنا نحبه ....الخ <<إذا توهقت كتبت ..الخ .. الواجب : علل/ كم علامـة تعجّب موجوده بالموضوع ؟ أكمل الفراغ : متى آخر مرهـ حبيت راس أمــك وأبــوك ؟ -ولامــّره -ولامـــرّه -مــاقد شفتهم أصــلا .. مايستفاد من الموضوع : -إن البلا ماهوب من الكتاب الا من هالبزر لابارك الله بعدوينه .. -إن ذاكرتي ماهيب هيّــنه .. -أهـــم شي انـك تتوضا قبل ماتنوم .. -إحلم يطلع اخوك من الابتدائي يعرف الحروف الهجائيه .. -دائما اذا شفت اهلك مجتمعين لاتتسينع وتنشد عندهم(مسلمون-ليس الغريب-يابيتنا-لاتخافي-تيري ريري ريتا)لانك بعدها بتطلع لبيت ابوتوفيق تحب راسه على شان تسمع صوته مره ثانيه .. -ان كانك تبي اخوك يطلع طبيب دخلّه كلية الطب .. -يتغير جـو الرياض ولاتتغير مناهجنا ..  ملحوظـه *اللي ماهوب سـ ع ــودي لايــدخل خلقَـه (لأنـه ماهوب فآهـم) <<ألحين يجيني بنغالي يقول انّــي فآهـم * اللي مامر على عصر ماقبل البطـاره وعصر الأبّـات والشرايط البيض والاناشيد المذكـوره أعلاه ..لايتفلسف هنآأا..علشان برستيجنا مايهتز..!  * واللي من ربعنا لاأشوف واحدن منكم داخل الا ومعه صينية حلى ولاينسى يحل الوآجب لا بالعجرا على راسه وأخلي وجهه يـّم الجدار وهو واقفن على يدينه من الرُوعَه ..؟! ..يالله دحدرو .. (ولاتنسون الواجـــب ) |
  |
| إعلان |
| |
|
31-12-2008, 02:45 AM
| #2 (permalink) |
| ملحقاوي  |  رد: أكــبَر فضيحـه بمنتدى كواآإأاآليس ...!<<ماتوقعتهامنكم؟
مهجدتهم عندي سؤال محيرني بعد ماقريت الموضوع والعجرى س / من اللي اختار لك هالمعرف ( مهجدتهم ) تصدقين قسم بالله انه لايق عليك طالعه قوية وتكشرين بعد بهذا > بس ولو عسى ماتهجدين اعضاء المنتدى انتي بس ياكثر سوالفك بس ترى صدقتي قسم لما قلتي عن الطابور اذكر طلعوني مرة بالغصب وقمت اصيح لين جت الطلعه بس فله قسم من زمان عن هل تعلم يجيبونها من كرتون جبن البقرة الضاحكهبس ياهي ايام والله الا ليت الصغر يعود يوما < يوم كنا بزران فله قسم بس ارشحك بعد 20 سنه تطلعين كاتبه ماهرة بس بدون عصبية القفي هالوردة زين انتبهي تطيح منك لألبك بالعجرى |
| |
|
31-12-2008, 03:07 AM
| #3 (permalink) |
| عضو مسنتر  | رد: أكــبَر فضيحـه بمنتدى كواآإأاآليس ...!<<ماتوقعتهامنكم؟
الحين فضيحه ومدري وشو قلت بــس ! ذي اكيد لاقطه لمدمن صوره وهو في اندونيسيا  ولا العاقل يلعب فتاحيه ورده <<<<<<< تخيلو عاد اثاريه كتبنا ومناهجنا طيب وشسمه ؛ تخبرين طفل العلوم الي بكتاب العلوم ا لوصــخ الي فوقه ذبااااان تراه مدمن وكاتبين تحته ولد موب نظيف وبالابيض بخط موب باين كاتبين مدمن شاهي عاد تراه معيارة أخوي نعايره بطفل العلوم ياشينهم وياشين صورهم الي يعبرون لنا فيها آ آ آ آ آ أسلوبك حلو ضحكني بس رجاء طاري الفضايح لعد تجيبنه كافي صدمات <<<< وش ابي بعد انا توشكري يابت التعديل الأخير تم بواسطة صقره ; 31-12-2008 الساعة 03:13 AM. |
| |
|
31-12-2008, 03:31 AM
| #5 (permalink) | |
| راعي محل  | رد: أكــبَر فضيحـه بمنتدى كواآإأاآليس ...!<<ماتوقعتهامنكم؟ اقتباس:
ايييييييييييييييييييه يادنيا تسنها أمس  >>>ذكرتيها بالذي مضى  يازين هكالايام بص  ومااقول الا كما قال الشاعر العربي الكبير فيصل اليامي ألا ليت الزمن يرجع ورى وإلا الليالي تدور ... ويرجع وقتنا الأول وننعم في بساطتنا زمان أول أحس انه زمان فيه صدق شعور .. نحب ونخلص النيه وتجمعتا محبتنا زمن مافيه لاغيبه ولاحتى كلام زور .. ياليته بس لو يرجع ونسترجع طفولتنا صغار وقلوبنا بيضا تعيش بعالمٍ محصور .. ولا نعرف أبد أغراب ماغير عيال حارتنا صحيح صغار بالتفكير لكن ماعلينا قصور .. نخطط نكسر اللعبه وتسعدنا شقاوتنا نروح المدرسه بدري ونضحك داخل الطابور .. نحاول نزعج العالم بروحتنا وجيتنا وعشان نأخر الحصه نخبي علبة الطبشور .. نشاغب بس في الآخر تميزنا براءتنا نحب الضحك والبهجه نحب ننط فوق السور .. نفرفش ليه ما نفرفش ؟ مادام الضحك عادتنا ولكن دارت الأيام وبان الخافي والمستور .. وصار الهم متعلق على قمة سعادتنا كبرنا وصارت الدنيا تصف أحزاننا بالدور !! وتهدينا الألم والهم غصب عن عين رغبتنا تعبنا من بلاوينا أحد ضايق وأحد مقهور !! وكلآ غارق بهمه و بالآخر تشتتنا وأنا ماأقول غير إنه ألا ليت الزمان يدور .. ويرجع للورى فترة نعدل وضع عيشتنا أما قولت أخوتس قاعد طفل(قصده قاعد يبكي ) تفطس من الضحك الله يرجتس انتي واياه استمتعت بسويليفاتس دوتس هالورده | |
| |
|
31-12-2008, 03:31 AM
| #6 (permalink) | |
| راعي محل | رد: أكــبَر فضيحـه بمنتدى كواآإأاآليس ...!<<ماتوقعتهامنكم؟ اقتباس:
ايييييييييييييييييييه يادنيا تسنها أمس >>>ذكرتيها بالذي مضى يازين هكالايام بص ومااقول الا كما قال الشاعر العربي الكبير فيصل اليامي ألا ليت الزمن يرجع ورى وإلا الليالي تدور ... ويرجع وقتنا الأول وننعم في بساطتنا زمان أول أحس انه زمان فيه صدق شعور .. نحب ونخلص النيه وتجمعتا محبتنا زمن مافيه لاغيبه ولاحتى كلام زور .. ياليته بس لو يرجع ونسترجع طفولتنا صغار وقلوبنا بيضا تعيش بعالمٍ محصور .. ولا نعرف أبد أغراب ماغير عيال حارتنا صحيح صغار بالتفكير لكن ماعلينا قصور .. نخطط نكسر اللعبه وتسعدنا شقاوتنا نروح المدرسه بدري ونضحك داخل الطابور .. نحاول نزعج العالم بروحتنا وجيتنا وعشان نأخر الحصه نخبي علبة الطبشور .. نشاغب بس في الآخر تميزنا براءتنا نحب الضحك والبهجه نحب ننط فوق السور .. نفرفش ليه ما نفرفش ؟ مادام الضحك عادتنا ولكن دارت الأيام وبان الخافي والمستور .. وصار الهم متعلق على قمة سعادتنا كبرنا وصارت الدنيا تصف أحزاننا بالدور !! وتهدينا الألم والهم غصب عن عين رغبتنا تعبنا من بلاوينا أحد ضايق وأحد مقهور !! وكلآ غارق بهمه و بالآخر تشتتنا وأنا ماأقول غير إنه ألا ليت الزمان يدور .. ويرجع للورى فترة نعدل وضع عيشتنا أما قولت أخوتس قاعد طفل(قصده قاعد يبكي ) تفطس من الضحك الله يرجتس انتي واياه استمتعت بسويليفاتس دوتس هالورده | |
| |
|
31-12-2008, 03:41 AM
| #7 (permalink) |
| عضو فك القرطاسه  | رد: أكــبَر فضيحـه بمنتدى كواآإأاآليس ...!<<ماتوقعتهامنكم؟
-يتغير جـو الرياض ولاتتغير مناهجنا .. هههههههههههههههههههههههههههههههههه في ذي صدقتي مستحيل يغيرون المناهج يغيرون وزير التعليم ولا يغيرون المناهج الي مامنها فود تشكررررتي ع ذا الفضايح الأبتدائيه |
| |
|
31-12-2008, 04:13 AM
| #8 (permalink) | |||
| قلم فاصخ  | رد: أكــبَر فضيحـه بمنتدى كواآإأاآليس ...!<<ماتوقعتهامنكم؟ اقتباس:
قلت: يمكن الفضيحه تخصني >> والله محد درى عنك يالمهم اقتباس:
واللي يقهرك إنهم يغيرون طبعة الكتاب كل سنه اقتباس:
يهيئونهم لهالمواقف من بدري عشان اذا انجلد بالمدرسه والبيت مايصيبه إكتئاب نفسي ويعرف إن هالشي يحصل لكل الأطفال بما إني من مربين الأجيال في المستقبل وبالذات ذوي صعوبات التعلم وبما إني فاضي إسمحيلي اتفلسف عليكم هنا شوي السعوديه فيها مواهب وعقول بس مالقت أحد يهتم فيها ويصقلها النظام التعليمي فاشل من أولى إبتدائي الين الجامعه ( لعنبو بليسهم تخصصي صعوبات تعلم ويدرسوني الطلاق والمعاملات الربويه )الإبتدائي بتكلم عن مادتين لأنها هي اللي تهمني وهي أهم شي القراءه الناس أجناس وأذواق ونفسيات كيف كلهم يدرسون نفس المنهج ؟ طالب أمه ميته من يوم ولد ولا عمره شاف أمه كيف تبي له نفس يقرأ : أمي أمي ما أحلاها **** هي في قلبي ما أغلها ماعمره شاف أمه عشان يعرف غلاها ويثبت له حنانها عايش مع زوجة ابوه اللي لعنتن جدف جدفه طالب أخر بلاه الله في أبو ظالم ومتجبر معيشهم وقته كله في البيت حتى في الأعياد مايسافرون بالله كيف يجي له نفس يقرأ : قصة / زيد عندما ذهب للبر في العيد وقصة / عبيد عندما زار حديقة الحيوان لعبنو بليسكم طالب مخيس في البيت ماعمره طلع وش يبي يفتح نفسه لهالكلام ** المفروض ** يحددون وش إهتمام هالبزر وش يحب , وش يعشق مثلاً / طفل يعشق نادي الهلال , ويموت في شي اسمه ياسر القحطاني يكتب لهالطفل قصه عن الهلال وياسر / ياسر القحطاني من مواليد مدينة الدمام , وانضم لنادي الهلال الهلال هو زعيم أندية أسيا ويشرح معنى المفردات اللي بالنص عشان الطالب يستفيد الدمام : مدينة تقع شرق السعوديه اسيا : أكبر قارات الارض بالله هالطالب بيقرا هالجمله أو لا؟ لأنها تخص شي يعشقه راح يقراها وراح يحفظ المفردات ومعانيها وراح يبثر عيال فصله بهالمعلومات وإذا حبينا الطفل يستفيد أكثر / توضع له هالمعلومات في مشروع بويربوينت مدعمه بالصور واصوات لقراءة النص المكتوب عشان يستفيد أكثر موب زيد أكل التفاحه وعبيد قشر البرتقاله طيب هالطفل مايحب اسم زيد وعبيد ** الرياضيات ** 10 + 6 = 16 طيب الطفل مايحب الأرقام ويكرها كيف يبون الطالب يستفيد شف وش يحب هالطالب وإستبدل الأرقام بمعلومات طفل يحب البلايستيشن يصير تعلمه كالتالي / عندك 10 اشرطة بلايستيشن واشتريت 6 اشرطه بلايستيشن كم يصبح لديك من شريط ؟ بيقول/ 10 اشرطه + 6 اشرطه ويجلس يحسب على يده 11 شريط , 12 شريط الين يوصل للحل طالب جاي من الديره حياته كلهم غنم وشعير وتبن سؤاله كالتالي / لديك 8 أكياس من الشعير قم بتوزيعها بالتساوي لمدة تكفي الغنم 4 أيام ؟لأنه غاوي غنم وشعير بيحسب لين يوصل للحل الطفل في هالمرحله موب بحاجة 10 مواد قراءه , تعبير , خط , إملاء , رياضيات , فقه , توحيد , قران , علوم قراءة وكتابه هي اساسيات التعلم لا عرفها الطفل واتقنها قبل سن 10 سنوات , باقي أموره الدراسيه مستقبلاً بتكون سهله بس من يعلم الدبش اللي متجمعه في وزارة التربيه والتعليم عشان يفهمون ويعرفون إن الدنيا تطورت والتدريس تغير الأسلوب اللي يمشي قبل 20 سنه ماينفع الأن يمكن تقولين طريقتك صعبه تبي المدرس يعرف هوايات الطلاب ويسوي لك واحد درس خاص ؟ أقولك وش مهمة الزلابه اللي اسمه مرشد طلابي ماعنده غير أكل الفصفص وشرب الشاهي في مكتب المدير طلاب اللغه العربيه ذبحتهم العطاله افتحو لهم الوظايف وكثرو عدد مدرسين اللغه العربيه وكل مدرس يصير مسؤل عن 10 طلاب إلى 20 طالب موب مدرسه كامله أول اسبوع في الدراسه هالزلابه اللي اسمه مرشد طلابي يرفع تقرير لكل مدرسه عن هوايات طلابه والمدرس في يوم واحد بس يقدر يعد لكل طالب درس خاص فيه فيه مشكله بعدد خريجين مادة الرياضيات من الجامعات ؟ اسمحو للعطاله يتوظفون مدرسين رياضيات بشهادات دبلوم تراها عميلات جمع وطرح وقسمه كلن يعرفها ويتقنها والله العظيم يرتفع ضغطي يوم أدخل مدرسه زياره وأسمع صوت 20 طالب في فصل يرددون كنهم ببغاءات ورى المدرس التعليم ركاده وسعة صدر وفله موب ازعاج لباقي المدرس , وتفجير اذاني المساكين اللي عندك بالفصل مهجدتهم / أدري إن خثرقتي كثيره بس أستعد للتدريس من الأن | |||
| |
|
31-12-2008, 02:14 PM
| #11 (permalink) |
| عضو بقراطيسه  | رد: أكــبَر فضيحـه بمنتدى كواآإأاآليس ...!<<ماتوقعتهامنكم؟
عكاش واللهي انك صادززز كلامك يجمد ع الشارب ~> لبن ع غفله هع بس تدرون وش يقهر اكثر ..؟ انهم في الابتدائي يدرسوونا عن الحياه الزوجيه والغسل ومدري ايش وما نبدأ ناخذ الانجلش الا من المتوسط ~> يستثنى من ذلك عيال النعمه اللي ابوهم عنده شبح ومدخلهم في أهليه ..!!! |
| |
|
31-12-2008, 02:33 PM
| #12 (permalink) | |
| عضو مسنتر  | رد: أكــبَر فضيحـه بمنتدى كواآإأاآليس ...!<<ماتوقعتهامنكم؟
انت ربيعة قرقر واجد ؟! اقتباس:
سووبحان الله حتى الاذاعه المدرسية طبق الاصل ولعلمج ترا كتاب العلوم والرياضيات كان موحد فـ كل دول الخليج يعني الولد ابو ذباب كان عندنا فـ الكتاب بس حنا غيرو المناهج من زمان وخسفوبهن بس اهم شي يدرسونهم انجليزي بمنهج قوي بس المدرسين ماااااااااش | |
| |
|
31-12-2008, 03:17 PM
| #13 (permalink) |
| عضو بقراطيسه  | رد: أكــبَر فضيحـه بمنتدى كواآإأاآليس ...!<<ماتوقعتهامنكم؟
الله ياالدنيا>>ماعندهم نية يغيرونها الى بعد 234567899989786764532345678 سنه انا ودي اعرف وش صبر الاجانب>المصاريا بالذات<على هالمدرسة>>>افاااااااااااا اثري داج وانا مدري والله يرحم اخووووووووك شكلك جالدته بالمسطرة ام كيلو>>ام متر |
| |
| الكلمات الدلالية (Tags) |
| <<ماتوقعتهامنكم؟ , أكــبَر , بمنتدى , فضيحـه , كواآإأاآليس |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
_( غبار كثيف )_):
