أطباق جديده أتمنى تطبقوها وتعجبكم

حلى الكورن فليكس بالمارشميلو

كرتون كورن فليكس اي نوع تحبون
4 اكياس حلوى مارشميلو
اصبع ونص زبده
قليل لوز مبشور ( حسب الرغبه )

الطريقه :

نضع الزبدة والحلوى مع بعض ثم نضيف الكورن فليكس واللوز
ندهن اليد بالزيت ونبدأ نكورها او اي شكل انتم تبونه ..

حطيتها بصينيه على ورق زبده عشان يسهل علي اشيلها

وبعدين قطعتها اسرع وبس عوافي عليكم

مطبق فول من توب شيف

فوائد الفول :

ـ غنّي بالبروتينات والفيتامينات والأملاح المعدنية مثل الحديد والفسفور
ـ يعتقد انّه يحتوي على مركّبات كيماويّة معقدّة تقاوم أمراض السرطان
التي تصيب الفم
ـ مفيد للقلب من حيث زيادته لمستوى الكولسترول الجيّد في الدم
ـ يحافظ على مستوى السكر في الدّم
- قشور الفول تكافح الإمساك الذي يصيب الجسم
- تناول الفول مع الطماطم والبصل والزيت والخبز تجعل منه وجبة غذائية كاملة

المقادير

عجينة مطبق
كوب فول ناشف أو ٣ أكواب فول معلب
حبة بصل مقطعه صغار
٣ حبات بصل أخضر
٤ فصوص ثوم مقطعه صغار
عود فلفل أخضر حار ( اختياري )
ملعقة كبيره معجون طماط
ملعقة ونص كبيرة كمون
ملعقة صغيرة كزبرة
نص ملعقة صغيرة بابريكا ( يفضل مدخنه لو عندكم )
ربع كوب كزبرة مفرومه
٣ حبات طماط مقطعه صغار
بيضتين
كراث حسب الرغبة مقطع صغار
صوص دقوس وصوص طحينه للزينه

ممكن نستخدم اي عجينة سمبوسه او سبرينغ رول
والفول لو معلب نغسله كويس

الطريقه :

نسخن مقلاه على حراره هاديه ونطبخ البصل و البصل الأخضر
و الثوم و الفلفل الحار < حسب الرغبه مع رشة ملح إلين يذبل تماما ويبدأ ياخذ لون ذهبي خفيف ، تقريبا ربع ساعة..
لا ترفعون الحرارة ولا تطبخونه أقل من كذا ، طبخ البصل لهذي
الدرجة يعطيه عمق نكهة رهيب مع الفول.

الحين نحط معجون الطماط ونطبخه شوي تقريبا دقيقه بعدين نحط الفول المطبوخ بعد ما نصفيه مع الكمون و الكزبره و البابريكا و الكزبرة المفرومه ونخليهم يطبخون شوي .
نطفي النار ونكسر البيضتين عالخليط ونضيف الكراث و الطماط
ونذوق الخليط ونعدل البهارات و الملوحة و الحموضه حسب الرغبة.

ناخذ عجينة المطبق ونقص كل شريحة بالنص بالعرض يعني بيصير عندنا شريحتين أقصر من الأصليه..
نحط الشريحتين فوق بعض بحيث يتقاطعون على شكل +
ونحط شوي من الحشوة في النص بعدين نقفل عليها من ال ٤ جهات..
نقص الزوائد لو كانت موجوده ونحطها عالجنب إلين نطبخ المطبق مع تغطيتهاعشان ماتنشف .
نسخن مقلاه أو صاج على حرارة وسط مع شوي زيت وبعد ما تحتر نحط المطبق ونطبخه إلين يتحمر الوجه الأول بعدين نقلبه ونطبخ الوجه الثاني إلين يتحمر.

هذي طريقة صوص الطحينه العادي ، نفس اللي على الشاورما وغيرها
ويمشي مع أكثر من شي ثاني.
المقادير :

نص كوب طحينه
ربع كوب عصير ليمون
ربع كوب مويه
ملح

الطريقة :

نخلط المقادير مع بعض إلين تتمازج تماما.
في حال حبينا الصوص يكون أخف نقدر نزيد مويه إلين
يوصل الكثافة اللي نبي. نقدر نعدل عالصوص بكذا طريقة
مثل إننا نضيف عليه بقدونس أو نعناع مثلا أو أي بهارات
أو أعشاب ثانيه.
هني وعافيه

كوكيز بالشوفان والزبيب

المقادير :

١ كوب زبدة بحرارة الغرفة
١ كوب سكر اسمر
٣/٤ كوب سكر عادي
اكتفيت بـ كوب ونص سكر أسمر وطلعت حلاوتهاممتازه
ماانصحكم تضيفون
٢ بيض
٢ ملعقة صغيرة خلاصة الفانيلا
كوب ونصف طحين
١/٢ ملعقة صغيرة ملح
١ ملعقة صغيرة بيكربونات الصودا
٢ كوب شوفان
كوب زبيب

الطريقة :

يحمي الفرن وتحضر عجينة الكوكيز
في وعاء كبير تخلط الزبدة والسكر الاسمر والعادي، البيض والفانيلا
يخفق المزيج حتى يصبح لزجاً
تدريجيا يضاف الطحين والملح والبكربونات والصودا والبايكنغ باودر حتى يتجانسوا
يضاف اليه الشوفان والزبيب ويعجنوا
بواسطة ملعقة كبيرة تؤخذ شوي من العجين وترص بعيدة الواحدة عن الاخرى على صينية الخبيز
تخبز لمدة ١٥ دقيقة او حتى تشقر
تخرج من الفرن وتبرد على شبك
* نقطه مهمه :
وقت تشكيلها في الصينيه خلو ها صغيره لأن ملعقة السكرمملؤه
تعطيكم بعد الخبز وبعد ماتفرش بحرارة الفرن دائره بحجم
بسكويت دايجستيف .
لذيذبشكل ماتتخيلونه .. عوافي عليكم لو جربتوه وادعو لي :)

بعض فوائد الشوفان:

- أكل الشوفان بشكل منتظم يقلل من معدلات الكوليسترول بالدم.
- شراء الشوفان وتناوله عندما يكون الإنسان مصاب بالحزن
أو الإحباط، لأنه مضاد طبيعى للاكتئاب ويعطى إحساس بالهدوء.
كما أنه يعالج حالات الاكتئاب والقلق والاضطرابات العصبية.
- تناول طحين الشوفان غير المعالج بشكل منتظم يقلل من الضغوط،
بينما الشوفان المطهى يعالج الإرهاق.
- نتيجة لاحتواء الشوفان على نسب عالية من الألياف،
فإن من خواصه الإيجابية حماية الشخص من الإصابة
بسرطان الأمعاء.

ومع البرد مافيه احلى من الزنجبيل بالنعناع والليمون

واكيد كلكم عارفينه واللي مايعرف نقولها احتياط
نعناع مغسل , زنجبيل مقطع صغير مره او مبشور
شريحه ليمون مغسله زززززين بقشرتها طبعا
سكر وشوي زعفران يعطي لون أحلى وبس

فآيلت ... شكرا للخلفيه ياجميله