| |
|
 | |  |
| |||||||
| وش اللي صايرن فينا ؟ أخبار الأعضاء ,, من إلى ,, كل شيّ عن الأعضاء ,, خبر وفاة , خبر حياة , عضوة جابت بنت وعضو أعرس ,, إلخ .. |
 |
| | LinkBack | أدوات الموضوع |
15-11-2008, 02:27 AM
| #1 (permalink) |
| فتى البديعة ~   |  وقرّبت لي الشيشه وقامت تشيّش
ماعاد ابي ارجع للرياض .. ماعاد ابي شارع الأبراج اللي كلّه محلات " حملات حجّ وعمرة "   بجده .. بلايز وتنانير رخص التراب ( وجه يقول للحريم اجمعوا لكم كم ريال وتعالوا هنا .. قسم بالله بلايزن وش زينها بعشرين ريال بس  ) بجده .. تروح للبحر وتشوف الحريم كل وحدتن ماسكه ليّ الشيشه وتشيّش عيني عينك ياحبني لهن وقسم .. يعجبني الوضع الفريْ اللي مخربها وساحبن على ابو الشعب ومايهمه إلا كيف يطلّع الدخاخين مع نخاريرو بجده .. تقعد عند الإشارة ربع ساعة زي السلام عليكم .. تنطمّ وتاكل تراب مليّان بما حار ولو تنفّس والا تضرب بوري التفت عليك اللي جنبك وقال لك وقّف على جنب اعلّمك ان الله حق واعلّمك كيف تلبس نعالك عرض   بجده .. شارع المكرونه اللي مليان اندنوسيين وكنّك داخلن مانيلا .بجده .. شارع التحلية .. ناس اتيكيت وراقيه ولو تسلّم على الواحد منهم مايردّ عليك يحسبك تبي سلف حق عشاك من مطعم البيك بجده .. كل شي حلو .. جوّ وسهرات ووناسه وزحمة وكوول حاقه صليت اليوم العصر بمسجد على طريق الملك عبدالله .. يوم صليت إلا وذيك اللي شكلها من بنات عم أوباما تبيع بساكيت يابسه .. شافتني واشّرت لي وانا احسب انها معجبه  .. جيتها اسحّب رجولي .. قالت : خوذ ( وحطّت كرتون بسكوت ابو ميزن بين يدي ) .. تقول خوذ هالكرتون بسبعا ريال بس .. طيب قولي بعشره والا بخمسه .. ليش كذا يعني .. إلا لازم ادوّر صرف عشان اعطيك ريلين ..قلت ياولد .. خلّك كريم بس وعطها عشره ... طلعت العشرة وعطيتهياه واخذت الكرتون وركبت السيارة .. وقّفت اعبي بنزين وقلت له فُل ولاتنسانا من كرتون الفاين.. عبّا ويوم بغيت اطلّع الفلوس مالقيت بالمحفظة إلا 12 ريال بس .. صرت معطي حبيبة قلبي خديجة اللي تبيع البساكيت 200 ريال  مشكلتي إذا حبيت لي وحده حتى لو لونها أسود كما لون " الكباب التُركي " ماعاد أعرف أركّز واصير متلخبط وانعفس واحطّ ماوراي ودوني عشان اكحّل عيوني من قدّها .. لقت لها واحد يشري كرتون بسكوت يابس بــ 200  ..اييييه يازمان .. والله والا ولد فقيه يتصدّق بـ 200 والا الوليد بن طلال يحط في جيب ضعيّفه 200 ريال .. لله لله ياكريم  .. اليوم تعشينا في شاليهات الشراع اللي على الكورنيش .. صراحة حلوة وبها من التميلح الشي الكبير مدري وش اللي اقردني وقلت للي معي خلونا نروح للعوايل وناخذ لنا فيها لفّه .. جاز لنا الجو هناك وقلت خلونا نبشّك شوي وناخذ لنا موكا <<-- حافظها من الرياض وكاتب بورقة " موكا حار سكر وسط " .. اختي تقول ان احسن شي الموكا طلبت لي موكا واللي معي طقّموا لهم شاهي أخضر . يوم قعدنا عشر دقايق إلا وتجي ذيك العجوز .. نطلت عباتها نادت العامل .. بربرت معه شوي ثم قرّبت المعسّل وتقوم تحطّ في بطنها من هالدخاخين وانا تسذا .. اعنبوها ماستحت مني ابد الآبدين .. كل شوي ابيها تفهمها وتستحي .. بس ماش التسلبه كل ماحطيت عيني بعينها زادت الدعسه واظهرت دخانن اتسود  أوّل مرتن بعمري اشوف حرمة تشيّش وش ذا الحااااله يادافع البلا .. يازين الحرمة بنعومتها أجل تشيّش وتحتسي مع الرياجيل كنّها شنب توّه خاطّ يمّه .. ودي ارجع لكم بسرعه .. احسّ اني استحاشت بذا  * لاتزعلون علي ياأهل جدّه تراي احبكم |
  |
| إعلان |
| |
|
15-11-2008, 02:35 AM
| #3 (permalink) |
| مصممة   |  رد: وقرّبت لي الشيشه وقامت تشيّش
هههههههههههههههههههههههههههههههه والله اللي ماصدقت على الله زرفت الميتين وهجت انتبه بس لايخربون عقيدتك < فاهمه غلط يازين الرياض وبص  بس من قدك عندك البيك تعرف اسواق الراشد بالابراج  < قدني ضيعت فيها ميتين وجوال امي < يقالها بتهون عليه مصيبته  |
| |
|
15-11-2008, 02:39 AM
| #4 (permalink) |
| فتى البديعة ~ | رد: وقرّبت لي الشيشه وقامت تشيّش
قد مرّتن امي عطتني طقم ذهب لها ابيعه ويوم دخلت سوق الراجحي وادخل المحامص اللي على اليسار يقال لي باحلّي قبل البيعه .. وانس الطقم واطلع بالعصير كنّي مهبول يوم رحت وخذت لي فرّة على مايفتح المحل وادوّر الطقم اللي توني شايله وبروح ابيعه اثاريني ناسيه عند المحل .. وارجع ادوّره وماعاد لقيته رجعت لامي وانا طاقتني الروعه .. المشكلة اني راجعن لها وانا شايلن العصير بيدي مانطلته ياشينها إذا ضيّعت لك شي |
| |
|
15-11-2008, 03:01 AM
| #9 (permalink) | ||
| من عجز كواليس   | رد: وقرّبت لي الشيشه وقامت تشيّش اقتباس:
ذكرتني بابوي جآيبن لنآ بالعيد بلآيز مورده ومزكرشه وألوآنه الله الله ووسيعه أدحل بهآ أنآوخوآتي بسعة أريل يقول نآظروآ القمآش والشكل كنهآ اللي تشرونهآ بميآت مترآميآت على غير سنع .. اقتباس:
 بس ذولي بصرهن بآليآتٍ روحهن المصيبه البكتآت اللي توزع بالزوآجآت .. هنآ جدتي باحد العروس طلعت من الصآله وقعدت بالحوش وخذ من هالتلعين والهوآش يالله الله يصلح الحآل بس : المهم احرص على روحك ولآيجيك مآجآهم مع آاني أشوفك بآدٍ تخربهآ وتسهر | ||
| |
|
15-11-2008, 03:01 AM
| #10 (permalink) |
| شيف متميّز  | رد: وقرّبت لي الشيشه وقامت تشيّش
يا حرآآآآآم مسيكين  الا اقوول مدمن تراني فاتحتن لي بسطة كلها بساكيت ابو ميزان وفش فاش ابو شمس ومصابع غوآر وان جيت ترى لك دسكآوند يحبه قلبك  بو بليسك تحط 200 في بسكوت ابو ميزان يررررررررررحم امك لا عاد تكشخ اللي مثلك لايحط في مخباه الا فراطه ويااا الله بعد اجل انت في جده يا حليلك ذكرتني بسالفتن دزد له شهرين تساني ما انسيتها حرمتن وشـ سمه داقتن على امي يقال تبيني لولدها المهم وبعد شور وشور واتم الله ما اتم من الحتسي وجوا شافوني وصلحنا وعصلقت الا بشووف ولدهم قبل يشوفني هو وقال اخوي مالتس الا الدريشة تطلين منها وهو جاي ياخذ اهله قلت زين مير وانا اللي ازبن عند الدريشة في الدرجة ويوم جآ وشفته ينعن شكله قسم فيه شين في وجه وززينه بس عجزت اعرف وشو المهم انه تربع في تسبدي وقلت هذا اللي بآخذه مابدهاش وابوه مدرهم قضينا <- طموح اي حطبة سعودية بس انا استغربت نشبتهم فيني على ان ولدهم زين ويقولن بنعطيكم اللي تبون ابد شارينكم انا قلبي قرصني مااش  المهم ويقول ابوي لزومن اسعل عنه قبل الفحص والخرابيط وتسذا وقالت امي شد حيلك وشف لك يومين تروح فيها <- انا فيسي تسذا وش اللي متى تروح من باتسر اطمر أيسأل عنه.. قام ابوي قال مايمديني آخذ اجازه هـ اليومين ابد قلت وش لزمته واخواني طيب ؟ قال كلهم مشغولين بدواماتهم قلت هووووه يروحون عصر والا مغرب والا عشا اللي هو قال ما يمديهم <- للحين فيسي تسذا بعد كم يوم ليني اسمع ابوي يقول بشوف لي اقرب حجز عشان اروح واسعل عن الرجال والله يعين <- حجز ورجال واسأل وش القصة واقول يبه وش السالفه ؟!! وين بتروح له ؟! قال بروح لجده عشان اسعل عن الرجال .. قلت : وش يوديك جده ؟ قال : اجل وين اسأل عنه فيه . ووش دخل جده طيب .. قال : الرجال فيذاك << قلت : ابد مكانك وطلع جوالك الحين << ارتاع ابوي يوم قلت له تسذا قال وش عندتس ؟ قلت دق عليه وقل بنتي فطست . قال : هووووه ورااتس هونتي تبووووووون تقلعوني في جده .. والله لو على جنازتي .. ييييييييييع من حبي لجده تبوني افطس وانا اقول وش فيهم اثرهم ما صدقوا احد يوافق على ولدهم اثر الدعوه تسذا ابدن عانس في الرياض ولا عذاب في جده صحيح اني بغيت اتسطر بس ماعليه وع قولة اخواني منتب كفوه ^ ينعن اوم الشطحه الأليييييمه ياربيه وشفيني تسذا قسم ان سولفت سولفت ما اعرف ابد .. ياعلي خطوط صدز اني مب صويحيه آحين وش دخل السالفه في الشيشة  لا بس انت كنت تحتسي عن جده اوب صح وانا قلت لك شعوري عن جده وماعرفت اقرب لك الشعور الا بهـ السالفه <- رحم الله من سماتس قرقر وآجد يا حبني لأهل جده بس << والله اهلها حليوين واحبهم حيل بس انا ما احب جده نفسها <- من قالتس حبيها الحين تراني نسيت وش القصة شكلي بأقضب الباب اصرف لي مدمن يسلموو ع الشيشة ما قصرت <- هذي اللي مادرت وينا فيد صدز دوك ذي لعيونك اللي احمرت من الدخنه  << يرحم امتس لا عاد تردين على احد |
| |
|
15-11-2008, 03:05 AM
| #11 (permalink) |
| قلم ميداني | رد: وقرّبت لي الشيشه وقامت تشيّش
افااا مارحت عند مقهى ليمو ؟؟ هههههههههههههههههه والله انا ما اعرف بجده الا مقهى ليمو ... مهو لأني شاذ لاسمح الله ، بس ما علق في ذهني الا هو .. يعني لو قالوا لي تتوقع يفتحون بارات ومراقص وديسكو في جده .. اقول كل شي جايز .. لكن مقهى للشذوذ الجنسي وعيني عينك ... مستحيل كنت اتخيلها .. |
| |
|
15-11-2008, 03:55 AM
| #14 (permalink) |
| عضو شاد حيله  | رد: وقرّبت لي الشيشه وقامت تشيّش
فعلا هذا الوضع صاير في جدة وممكن يحصل في أي مدينة حتى في مكة المكرمة نعم مكة المكرمة  ليش مستغربين بس صدقوني إنو في في كل مدينة التصرفات الي تقهر وبعض السلوكيات الطيبة درسنا في علم التجويد قاعدة تقول واللفظ في نظيره كمثله بمعنى زي ما بينا الجانب السيئ فلبد أن نبين الجاني الايجابي أحسكم متحاملين على أهل الغربية يارب يكون أعتقادي غلط |
| |
|
| الكلمات الدلالية (Tags) |
| الشيشه , تشيّش , لي , وقامت , وقرّبت |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
![الصورة الرمزية ]+[ VIRUSES ]+[](http://www.coalles.com/vb/customavatars/avatar1229_18.gif){kind=avatar}
