أجرت الأخت الكريمة همسة غلآ ..
هذا اللقاء الخفيف والممتع ..
مع مشرفتنا العزيزة .. ميموزاا ..
اليكم النصّ .. واليكم الحوار والاختيار ..

....

السلام عليكم
هذي أول ضيفه وهي [ ميموزاا ]
حيّوها .. حيّوها
،!

لو كانت الحاجه تعرف المواجيب=ماخلت الطيب وراها يعاني

تعال ارسم على وجه الزمن بسمـه=تعبت من دنيتن فيها الحزن ضيفـي
القلب ضاق بجفاك ومل من جسمـه=صبرت مير الصبر كسر مجاديفـي
مرت سنه !!! والجدار معلق الرسمه=اخر هداياك وكانت بأخـر الصيفـي
ايام كان الخيـال يداعـب النسمـه=صنفت جزل القصايد قبل تصنيفـي
عشيتها من جزال افكـاري الدسمـه=غلفتها في يـدي وختمـت تغليفـي
وان عـودت للغـلا والله منحسمـه=هالمسأله شرفت من غيـر تكليفـي
غلاك عانه وسم في داخلي وسمـه=مكتوب فوق الوسم ( اغلا مواليفي )
منت اختياري ولكن صرت لي قسمه=الله كتب لي احبـك ماهـو بكيفـي
عاد انت يالله تعال ورجـع البسمـه=مليت من دنيتن فيها الحزن ضيفـي

لاتنشغل فيني انا بحالي ادرى=قلبن تعلق فيك ينسى مع الوقت

اكثر من اللي صارلي ويش يجرى=بين الرجا والياس شفني تعلقت

هاك القصايد لاتضايقت واقرى=شف وش كثر فيها لضحكاتك اشتقت

يامشتهي فرقا المواليف حذرى=تبعد وانا من سكرة الحب مافقت

لاطافت الفرصه تحريت الاخرى=وتروح ما كني عليها تشوقت

اثر الوفا ينباع عندك ويشرى=ماكنت اصدق فيه واليوم صدقت

ساري لو ان الليل مافيه قمرى=اشيل من حمل الهوى فوق ماطقت

لاصار حظ اقشر والايام قشرى=مافيه احد عاقل يلومك ليا ضقــــت

صحيح بعض الناس فرقاه بشرى=وبعض البشر لاغاب ليله تضايقت

ليتك خذيت بليل الافكار مسرى=غربت من كثر الطواري وشرقت

السيل يبقاله من القاع مجرى=ويبقالك التذكار لو كنت فارقت

ماكل جرحن لاخذا ايام يبرى=بعض الجروح يزيد شره مع الوقــت

البارحه برد.. وشتاها بيـيّ احـوف..؟=والبرد موحـش .. والمسـا مقتفينـي..؟
والليل وجه(ن) ماعرف رهبـة الخـوف=والخوف صوت(ن) .. همهماتـه ونينـي
قلت اقفل الشباك ..واشعل لـي حـروف=وادفى على (سينيـن) وينـك؟ ووينـي؟
جيتك يديني .. وصل والموعـد كفـوف=ورحت بغيابك .. بـس بقيـت يدينـي
لاتشكي ظروفك ..وانا كلـي ظـروف=كم هانت ظروفـي .. ولاهنـت فينـي
خذني شتات اسنين .. كلّت به أكتوف...؟=وعطني بقايا قلـب.. واعطيـك عينـي
لاتجينـي بلبيـه ..وتـروح بحـسـوف=مـا تشتهينـي.. قـول: ماتشتهينـي..؟
وش فايدة الاحلام .. لاصارت طيـوف=وش فايده قلـب(ن) .. عجـز يحتوينـي
ماتدري أن الآآآه .. فلت بي الاووف...؟=ومـا تـدري انـك للضيـاع تحدينـي
ياسيد احساسي ...ابي منـك معـروف..=وشلـون بدفـى لا تجمـد حنيـنـي..
تعال خل الوضع .. مكشوف مكشـوف=واقرا حكااية .. ضجـت بـأ آآهتينـي
( لو ارسم البسمه... على وجهه مكفوف=ما اقـدر الـون لـه بيـاض السنينـي )
يعني :المشاعر جرح... وقلوبنـا احتـوف=والحب سيف(ن) .. طعنتـه مـن يدينـي
و الموت:ما هو طعنة... ارماح وسيـوف=الموت: لـو تقـول مـا انـت بتبينـي
اقول: (شفني بعـدك احزانـي اصفـوف=يمـا تعـال / او قـول: لاترتجيـنـي )
وبرتب جروحي علـى غيابـك رفـوف=وناظر مكانـك ويـن .. والحيـن وينـي
وب..أفتح الشباك.. وانثر لـي حـروف=واسمع بقايا حـب .. بينيـك .. و بينـي
المشكله :ماهـي حنايـاي والجـوف...؟=ولاهي بحزنـي .. وابتسامـة جبينـي..؟
المشكله:( من ويـن مـا الـد بالشـوف=القـاك فـي كـل الأماكـن تجينـي..)

مجنونـه الفرقا,ومـدعـاه للكَـبْـت=تَنبَت بها الوَنَّه, ويصـدح بهـا النـاي
في صدري المكبوت!..للحزن رَتَّبْـت=مجلس.. وانا! صار اشهَب الهَمّ مركاي
وللبُعد طبت.. ومن عنى البُعد! ماطبت=كَنِّـه يبـي عَزْلي,وطَردي,ومنـفـاي
ياهـو غيـابٍ مـع مداده!..تشَعَّبْـت=كِلِّي.. وتاهَت سِكَّـة القلـب بخطـاي
يامِبعِـدٍ بـي ليـن تِهْـت وتَغَـرَّبْـت=من غِبْت! مَعرِف وش كياني ومَعنـاي
أدميَت قلـب الجَـرْح بالبُعْد..والهَبْـت=إحساس جَمْر الشوق من نار الاِقفـاي
وش طَوَّل اليوميَن؟..ليَن اوشَك النَبْـت=على اليِباس..وقيَـظ فرقـاك شـوَّاي
الأربعا سافَـرْت واِعـن البَلَـد غِبـت=وتقول: يوم السَبْت من سَفْرِتِك جـاي!
واليوم! راح السَبْت,والسَبْت,والسَبْـت=سَبتيَن..والثالث! حداني علىْ اقصـاي
أبطـيـت بغيابك,وبالَغْت,واسهَـبْـت=وانا انتظر سَبْتٍ معـه غايـة اِمنـاي
ماتدري اِنِّـك فـي شِتاتـي تِسَبَّبْـت؟!=مِمّا حَجَب فكري عَن الحَلّ والـراي!
ياخي تراك اوعَدْت,واخطيَت,واذْنَبْـت=تعـال واِنثـر وَرْد عـذرَك بدنـيـاي
مانيِب قايل: وِش غَنايِمْك؟وِش جبـت؟=شوفَتْك!..تسوى مال حاكِـم برونـاي
هاذا وانا! مااَقول عَـن شوفْتِـك تِبْـت=ورَبّـي! مراقبني..ويَعـلَـم نـوايـاي
عَن مابقلبي مِن وَلَه! قلـت واعرَبْـت=متـى يفارقنـي مَـع الوَنَّه,الـنـاي؟!
ومن طيِب قلب الاربعا!..صَدَّق السَبْت=والسَبْت من كثره!..حَداني علىْ اقصاي

مشيت من عندي تبي ترجع شـوي=وشوي جر شوي ل الحين ماجيت !!
جيش الثواني ب غيبتك مجرمٍ بـي=مره يجيب دموع / مـره توابيـت
من غبت عن عيني وانا فاقد الضي=لاعشت في راحه ولا اذكر تهنيـت
ماغير افكر وامسـح الدمـع بيـدي=وابكي زمانٍ فـات وانادهـه ليـت
وارجع واراجع عشرتي مابها شي !!=ياكود وقفاتي معك يوم ما ازريـت
وش له تجافيني وانا حاسبـك خـي=واغلا من اخواني معي دوم بالبيـت
وش له تقاطعني وانا كنت لـك ري=اضما ولاشفتك ابـد يـوم حنيـت
ماكني الا (بوش) قدامـه (عـدي)=لاشفتنـي قـدام عينـك وصديـت
ان كانها مليـت قلـي تـرى هـي=وان كنت كارهني ترانـي تساويـت
على الاقـل تبريـر ياسيـدي لـي=وان ماحصل تبرير قلـي تعافيـت
مشيت من عندي وانا ناطر شـوي=وشوي جر شوي / طولت ماجيـت

ارسلت لك :"خيّب غيابك يقيني"=ارسلت لي: "هذا الهوى متعب و شاق"

ومدري ضميره هالسهر محتويني=أو هو ضميرك صاحبي مابعد فاق

بكره تجيني! ... أي بكره تجيني؟؟=لو للمدى رجلين.. م التفت الساق

يلعنك ياحظ الدبل في يديني=كنك جناح الطير ع الصد تواق

وانا جناحي... ذابل بمعصميني=لا حافل برجوى ولا طايق فراق

شي ٍٍ مبعثر بين بعضي وبيني=وانا ارتبْني عُمُر ... بس ماراق

ماعاد ابيني بس قول انت ويني؟=او أيّنا اللي من سواليفنا ضاق؟؟

ياني كرهتك بس باقي بعيني=ياني احبك بس ماعاد تنطاق

ياني من الثنتين ينْدي جبيني=ياني بهالقلبين محروقه احراق

(حنّا) تجَمْعنا .. أبيك .. وتبيني=وما جمعّتنا غير (حنّا) والاوراق

ارسلت لك :"خيّب غيابك يقيني"=ارسلت لي:"هذا الهوى مسلكه شاق"

ورديت لك: "يعني متاك بْ تجيني"=ورديت لي:"لا فاق وقتي"!!و لااااا..ف ا ق

أحيان أحس أن الليالي لا انفقد غالي فضت =وأحيان ما ودّي أحس بشي يملاني كسور !!

جرحت قلبي على فرقاك من بدري=لا عاد تسأل ولاتنشد عن أخباري؟؟
بالأمس سولفت عن حبك وأنا مدري،،=واليوم سولفت عن جرحك وأنا داري!!
كنت أتغـــلى لأني عــااارفه قدري=وصرت أترجى(خيالك)يسكن بداري..
مليت أسولف غلاك لثوبي وعطري=وحلمت أسولف غلاك لوحة أسراري
لاتعتبرني سحابة غيمــها يغـــــــري=رح واعتبرني نهــر من نبعكم جاري
ياكثر مالك غ ــــلا لو تفتحه صدري=كان انحنى لك عشق ليلي اجبــــاري!!
أبا اتصــبر لأني عـــارفه قــــــــدري=(لاقلت أبنساك)صـاااااحت زحمة أقداري..

ماذكر وجيه الناس لو تمسى حدر جفنى وقـوف=نبراتهـم كـذب وملامحهـم سـراب يستحيـل
الا انت يا وجه الغلا والخير يالصـدر العطـوف=لبيه يايمـة صـدى صوتـك ويالوجـه الجميـل
اجيك ماحسب خطوة اقدامى كما الطفل الشغـوف=والقى يدينـك دفـوة الايمـان والظـل الظليـل
ضاقت بي الدنيا ولاسوى بي الوقـت معـروف=واتعبت نفسى ليـن ملّتنـى ولا بالحيـل حيـل
لا تنشديـن الجـرح يايمـة وجمـرة مايـروف=مثلي اليامن قيل له وش فيـك عبراتـه تسيـل
اسكت ولو ان السكوت احيان مايبرى الشفـوف=وانزف كلامي في فمى جرح ومسافـات ورحيـل
تبقى مراقيب السهر دربي عسى الجرح مخلوف=مامعك ياليـل التعـب راحـة ولا عنّـك بديـل

../
^
^
بدايتنا كانت موّفقه .. ضيفه ولا أروع
بحبّك ميموزاا .. وأهنيك على خفّة روحك :)